arafat Admin
عدد الرسائل : 3614 العمر : 66 الموقع : التيار العربي التقدمي عرفات الخطيب تاريخ التسجيل : 20/06/2008
| موضوع: الشاعرة ...وفاء عبد الرزاق الأربعاء أغسطس 27, 2008 2:07 pm | |
| وحـدي وحدي قصيدة شعبية بصوت الشاعرة وفاء عبد الرزاق
انتاج مركز النور للانتاج الفني والاعلامي 2007
وحدي..
أعاند بالوكت
والعواصف
ظلمة ناكرها الحنين
هوّست وسبگت الحچي
شعلة
وطفه
وشعلة
ودگيت إصبع وحدتي
وگلادتي تلّم السنين
ترسني الصيف
وضمير الوكت
لسّاته جنين
رنّيت..
ياحيل الحجل
دِّّن..دِّّن
وخل صوتك ينازع نَفس
ما عاد الي حيل انتظر
ولا طلاّگة حسافة ابّاب
والشبّاچ بالخشبة رهين
وحدي..
ويا حسافه يا حجل
ما انت نحِس
ولا نومك بخيل
تدري نوبات آنه ارن وحدي
واحلم..
احلم..
ياخذني البياض بعيد
مالك غرض بيّه
رِنّ وشوفني
شلون اجي تارسني الرگص
ومشطي جاهل مدرسة
ونجمة المرجوحة عيد
رِنّ..
يمچتّف الحلوات يا دادة حجل
إبرج حسن
ياگلبك صخر
لا تنتهي ولا تنتظر؟
إبرج
يمن صوغتك تلصف لصف
تدري مو آنه احبك
وبيباني خضر
وعيني رزّة باب مفتوحة
والعذاب طويل
دلَّة
تهيّل البيها يمر
إبرج
وخلني انخاك
خزّامه ناكرها الشذر
من گالك آنه تعبت
بعدني وغلاتك أنبع ماي
ومنين ما تلتفت
تلگى نخواتي شگر
شِبه
وفضّه
ونحاس محيبسك
وراضيت صبعي مخادك
وصوّغته بعي
شوّيه ونّسني بذهب
ولك هديتهن
صرخة ليل
وتعارك خصر
وغمضت عيني اتخايل التفاح
يدفع بالگصيبة
الصافنه بحضن الصبر
شديت روحي بگبّته
وعجنت للكاظم عمر
وعبرت بثياب زفّه
ودف نذر صفّگ
وِسْواري قدّاحة عصر
ظليت اتمرجح أماني
كسرت خاطر الزوّار
والگّيم
وشفت روحي
طايفه بحضرة
كْسَرِت خاطر حليب الذات
وخاطرك ما ينكسر
والله حسافه يا حجل
بس دندنة وبيها شلت خشمك
وعود بيك ثلجة دِين
والشمس ماعونها يثرد كفر
ولك يا حسافة يا حجل
كل معاشري ويّاك
مابي جلجلة
وكبْرَة
واشّيب دندنة
ولا بيك خرخاشة صغر . وفاء عبد الرزاق | |
|